Монгол улсын ойн тухай хуулийн 18 дугаар зүйлийн 18.1.2 , 18.1.6 , 32 дугаар зүйлийн 32.3 дахь хэсэг, Байгаль орчин аялал жуулчлалын сайдын 2017 оны 08 дугаар сарын 23 ны өдрийн А/235 дугаар тушаалыг тус тус үндэслэн сумын Иргэдийн Төлөөлөгчдийн Хурлаас ТОГТООХ нь:

          1. Сумын хэмжээнд 2018 онд ойн сангаас бэлтгэх модны дээд хязгаар болон ойн сангүй, ашиглах нөөцгүй сумыг ойн цэвэрлэгээний ажлаас хангах модны хуваарийг 1 дүгээр хавсралтаар баталсугай.

          2. Батлагдсан дээд хягаарт багтаан ойгоос мод бэлтгэх ажилд хяналт тавьж мэргэжлийн удирдлага, зохицуулалтаар хангах арга хэмжээ авч ажиллахыг сумын засаг дарга С.Алтанцэцэг, байгаль хамгаалагч П.Чимэдцэрэн нарт даалгасугай.

           3. Ойн мэргэжлийн байгууллага, нөхөрлөлүүдийн хэвийн үйл ажиллагааг тогтмолжуулах хуурайшилтын үеүдээс өмнө модны хувиарыг олгож, талбайн тусгаарлалт хийлгэж мод бэлтгэлийн үйл ажиллагааг явуулж, модны гарцыг нэмэгдүүлэх ажлыг зохион байгуулж ажиллахыг сумын засаг дарга С.Алтанцэцэгд даалгасугай.

            4. Тогтоолын хэрэгжилтэнд хяналт тавьж ажиллахыг иргэдийн Төлөөлөгчдийн Хурлын Тэргүүлэгчдийн нарийн бичгийн дарга Ж.Бэгзсүрэнд үүрэг болгосугай.